9 to 5...

Vrydag het ek my laptop gekry. Splinternuut uit-die-boks. Hulle is ook nie skaam nie. Dit is nogal 'n HP met al die trimmings - DVD writer, wireless internet, bluetooth en 'n grand sak. Ek is heel impressed. En dit als 'n dag nadat ek begin werk het.
Vrydag om 3 uur is ek heel vinnig beveel om op te hou werk en na die "social area" te gaan. Daar het my nuwe baas my 'n bier aangebied. Soos julle weet deel ek nie dieselfde entoesiasme wat ander mans het wanneer dit by bier kom nie. Gelukkig was daar rooiwyn asook Pepsi. Ek het 'n Pepsi geneem. Die Indier waarmee ek saam werk is ook nie 'n drinker nie, so hy was heel bly om agter te kom dat hy nou nie meer hoef alleen Pepsi te drink nie.
My bek het oop gehang toe hulle 20 bokse pizza daar aan gebring het. Na twee stukkies Pizza en 'n Pepsi het ek verkas.

Saterdag was 'n lieflike dag. Dit was lekker warm, en die koel briesie het so elke nou-en-dan saggies oor die baai ingewaai. En daai tipiese kus reuk het dik in die lug gehang. Maar ek is stad toe om te gaan klere koop vir die werk. Na twee ure se gesoekery, het ek die klere soektog gelos. Die stad is te duur. Ek het besluit om die volgende dag Chatswood toe te gaan. Dit is buite die stad en het 'n shopping mall, en is ook goedkoper.
Ek het die ferry terug Neutral Bay toe gevat. Op pad terug het ek weereens die soete klank van Afrikaans oor die laat middag windjie erken. Nie ver van my nie het 'n Suid Afrikaanse paartjie sit en gesels. Gou-gou het ek saam begin gesels. Hulle is ook maar net 4 maande hier, en kom vanaf die Kaap. Hein is 'n prokereur en sy vrou is 'n fisio-terapeut [of so het ek afgelui]. Hulle bly in Mosman, wat langs Neutral Bay is. Mosman is 'n lieflike area en het van die mooiste uitsigte oor die baai. Almal is so ingestel om 'n plekkie te kry wat oor die stad uitkyk. As jy die brug en die opera huis kan sien vanaf jou blyplek, dan is dit glo grand. Wie wil in neon verligte beton vaskyk wanneer jy op 'n Sondag oggend jou gordyne oop trek? Ek sal veel eerder in Mosman wil bly wat oor die baai uit kyk. Baaaie mooier volgens my.
Elk geval, hulle het gese ek moet kom kuier en braai.

Sondag is ek toe Chatswood toe om klere te gaan soek. Daar het ek vinnig reg gekom en vir my 3 hempde gekoop. Natuurlik die "easy-iron" tipe. Gooi dit in die was en hang dit op na die tyd. Minimum stryk werk nodig.
Ek het ook vir my 'n TravelPass gekoop. Dit laat my toe om vir die hele week op enige bus, trein of ferry te ry so veel ek wil. Dit kos $40 en werk baie goedkoper uit as om elke keer per trip te betaal. Byvoorbeeld, die trippie North Ryde toe [waar ek werk] kos $11 retoer per dag [$5.60 vir die trein en $5.40 vir die bus]. Dan wanneer ek stad toe wil gaan, kos die ferry my $9.40 retoer. So, $11 per dag werk toe en $9.40 stad toe op 'n Saterdag of Sondag kos my omtrent $65 per week. Die $40 TravelPass spaar my baie, en dis unlimited travel.

Ek vat nou ook my eie lunch werk toe. Ek koop volgraan brood, koue-vleis [hoender] en organic bok-kos. Dan gooi ek so bietjie sweet-chilli sous by net om dit na die volgende vlak toe te neem. Dit sal seker vreemd wees vir die ouens by die werk, want almal koop take-aways daar. Die "medicine man", soos hulle hom noem, kom elke oggend 10 uur, 2 uur en 4 uur verby met sy trollie vol take-aways. Dit is enige iets van lasagne tot bagels met ham en tamatie op. Ek vat liewers my eie kos, want dis goedkoper en gesonder.
Ek gaan probeer om vroeer op te staan en 7:30 te begin werk, want dan kan ek 15:30 tjaila. Lekker vroeg!

By Dirt Cheap CD's het ek vir my Nancy Sinatra se greatest hits gekoop. Ek kry mos so nou en dan 'n weird swing om musiek te koop wat ek nie eintlik ken nie. Ek het dit eintlik gekoop vir die song "Bang Bang", wat die fliek Kill Bill se tema liedjie is. Dit is 'n mooi CD. Lekker easy listening musiek.

Nien se vir my dat dit vreeslik warm is by die huis. Ek kyk so nou en dan SA nuus hier op die Internet. Lyk my daar is 'n hittegolf nou daar? Dis seker lekker warm in die aande dan?

Anyway, ek sal later weer skryf.
Mis julle almal.
Nien, l+mjbbbbbbbb!