Aussie Aussie Aussie Oi Oi Oi!!!

Jô, maar die tyd vlieg darem maar vinnig. Ek kan nie glo dat ek al in my tweede maand is hier in Aus nie. Ek kom goed reg met alles, maar die verlange huis toe is nog steeds erg. Ek mis almal en alles, maar my verlange na Nien is onbeskryflik.

Nuus hierdie week is dat ek Dinsdag aand saam met die Suid-Afrikaanse paartjie wat ek op die ferry ontmoet het, 'n drankie gaan drink het. Ons het somer hier in Neutral Bay by een van die local pubs by mekaar gekom. Dis nie soos 'n muf gerookte bar waar daar 'n klomp dronkies rond hang nie. Dis nog steeds 'n pub, maar bietjie meer classy. Daar het ek my eerste drankie gedrink vandat ek hier is. Glo dit of nie, maar ek het twee biere gehad! Hahn noem hulle dit. Nie te sleg nie, maar ek dink dit sal lekkerder in 'n shandy wees. Ons het lekker gesels oor die lewe hier in Aus, asook die lewe terug in SA. Al ons SA's mis maar almal dieselfde dinge.

Ons is natuurlik hoog in ons skik oor die krieket. Ek dink die wêreld span het seker maar aan 'n bietjie jetlag gely. Ek dink die res van die wedstryde sal nie so maklik wees vir die Aussies nie. Daar is te veel diepte in die wêreld span. Ek sal daarvan hou as ou Kallis 'n ding of twee doen.
Ek het 'n kaartjie gekoop vir die toets wedstryd. Ek dink dit gaan lekker wees.

Ek het ook 'n kaartjie gekoop vir die A1 Grand Prix! Man, ek sien uit daarna. Ek sit in die Grand Stand, en het 'n "3 day pass". Die kaartjie was $150.

Ek het vandag rooibos tee gedrink by die werk. Dit was nou lekker. Ek wil kyk of ek die naweek by die SA winkel kan uitkom. Miskien kan ek daar vir my 'n paar SA lekkernye koop, soos biltong.

Elk geval, laat ek gaan krieket kyk. Lyk my die Aussies gaan weer skoonskip maak! :)
Lekker bly almal. Mis en verlang na julle.
M+LJBBBB Nien.