Lang naweek...

Dis lang naweek in Australie, en dis warm! Vandag [Sondag] is 28C en die humiditeit is om-en-by 75%, maar dit voel soos 38. Gister het ek in Darling Harbour gaan rondloop. Dit was nie so warm soos vandag nie, maar ek het my eerste ligte sonbrand gekry. En dit van 10 minute in die son spandeer met 'n SPF15 wat ek aan my gesig gesmeer het. Van nou af smeer ek SPF30+ voor ek uitgaan, en ek vermy die son sovêr ek kan. Dit gaan salig wees om more laat te lê. Labour Day in Aus.

Ek het ook Vrydag my eerste Aus payslip gekry. Die PAYE belasting hier is astronomies hoog - 42% op my salaris! Gelukkig is hulle besig om die belasting te verminder.

Ek ry nou in die oggend met die ferry werk toe. Een deel is ferry en een deel bus. Vrydag wat kom is "Walk to Work Day". Ek is so 20km van die werk af, so hulle is lekker laf. Ek sal maar in die bus op en af loop op pad werk toe.
Dit is so rustig om op die ferry te ry. Om een of ander rede bring dit 'n rustigheid oor my. Ek koop in die oggend 'n Cafe Latte by die hoek restaurant op die wharf, en sit rustig en drink terwyl die see meue om die ferry baljaar op pad Circular Quay toe, waar ek dan 'n vinnige stappie moet neem om my bus te kry.

Ek gaan nie skryf oor die bomme in Bali en ander terrorisme goed nie.
Wat ek wel gelees het is dat typhoid glo in dele van Gauteng uitgebreek het? Dit maak my hart seer wanneer ek sulke goed lees. Ek dink dat elke persoon ten minste in of twee keer in hulle lewe in 'n ander land moet bly vir 'n ruk. En ek praat nie van vakansie hou nie, ek praat van werk en lewe. Dit gee jou 'n ander perspektief.

Vir die van julle wat CSI so geniet, wel, daar is goeie nuus en daar is slegte nuus. Die goeie nuus is dat daar nog 'n reeks CSI's is, wat seker sal wys na die reeks wat tans in SA wys. Die slegte nuus is dat daar sekere dinge gebeur wat julle nie baie van sal hou nie. Ek sal niks meer sê nie, maar dit is maar half sad. Maak julle eie gevolg trekkings.
Ek wil ook die nuwe movie 'Serenity' gaan kyk. Dit lyk heel goed. Op die vliegtuig het ek 'Hitch Hikers Guide to the Galaxy' gekyk, so die van julle wat dit nog nie gesien het nie, dis die moeite werd. Ek dink nou hier spesifiek aan Nien, Ters en Marlize.

Op pad terug Neutral Bay toe vandag het ek by Nandos gestop. Nandos in SA is baaaie beter as Nandos in Aus. Hier is dit net nog 'n fast-food joint. Nie soos in SA, waar dit 'n treat is nie. Dit het nog steeds goeie herinneringe terug gebring.

Ek gaan 'n kaartjie boek vir die A1 Grand Prix in November. En ook vir die toets tussen Aus en die res van die wêreld. Die een-dag wedstryde word in Melbourne gespeel, so ek kan net die toets gaan kyk by die SCG. Ek wil die Sondag gaan.
En dan sien ek Johnny Clegg en Savuka toer Aus in Desember. Ek wil dit ook gaan kyk.

Mis julle almal baie.
Liefde groete.

Nien, l+mjbbbbbbbbbbbbbbbbb!