Beware gap when boarding...

Hello sportsfans

Ek het vandag vir Glenn McGrath ontmoet. Handtekening gekry en 'n foto geneem. En ja Mir, ek het vir jou ook 'n handsign gekry!
Op die foto kan julle 'n goeie idee kry van die vent se lengte. G'n wonder hy slinger 'n krieket bal so vinnig nie. Hy is 'n gawe kêrel en ook 'n gentleman. Glad nie groot kop of iets nie. Hy het met elkeen gepraat wat hom kom ontmoet het. Ek sien uit na Sondag se krieket.

Môre [Saterdag] gaan ek Canberra toe. Ek het besluit om so bietjie die land te verken terwyl ek die kans het. Ek ry met die trein, soortgelyk aan ons blou trein. Hopelik kan ek 'n paar fotos neem wat ek dan vir julle kan wys.

Ek hoor dat Karin se potjie weer 'n wenner was. Man, ek sou wat wou gee om daar te wees. Wanneer ek in SA kom kuier, dan wil ek alles eet wat ek gemis het. Gekookte kos, potjie, pot-brood, ordentlike braaivleis en Ma se suur-lemoen tert. En ek wil gesels in Afrikaans.

Ek geniet dit om julle gesels te lees. Julle moenie ophou nie. Al is dit net om hallo te sê, dit is lekker.
Vir die waarvoor daar eksamens voor lê, sterkte. Ek hou vir julle duim vas.
Ek is ook bly om te hoor dit het weer so bietjie gerëen by die huis. Die weer in Sydney is baie soos die Kaap s'n. Een dag moerbui warm, volgende dag dan rëen dit.

Die rëen het stil en sag geval
neer op my dak van onsekerheid
In die donker het ek aan jou lê en dink
en stil-stil het die jare en al die pyn
saggies voor my verdwyn...

L+MJBBBBBBBB Nien

PS: vir die van julle wat wonder wat die titel "Beware gap when boarding..." beteken, ek kan verduidelik. Op al die stasie platforms se randte staan dit geskryf. Dit is om mense te waarsku wanneer hulle op die trein klim, dat daar 'n gaping is tussen die platform en die trein. Ek dink dat dit eerder "Beware generation gap when boarding" moet lees...