Pêrre reisies...en geskenkies van die huis af...

Ek was regtig bly om Johann Saterdag middag by sy hotel te gaan ontmoet. Hy't my 'n stywe omhelsing gegee, spesiaal van Nien af.
Ek moes hard sluk om die trane te keer toe Johann vir my my geskenk pakkie van die huis af gee.
Ons het heerlik gesit en gesels oor alles en nog meer, en toe Sydney gaan plat loop op soek na foto geelenthede. Oor 'n koppie Latte en karamel kaaskoek take-away het ek en Johann 3 maande se verlore tyd opgemaak.
Ek het met die ferry terug gery huis toe, en almal se briefies 3 of 4 keer oor gelees. Daai aand het ek dankie gesê vir goeie vriende en familie, en geweet dat ek die gelukkigste man op aarde is om 'n vrou soos Nien te hê.
Sondag aand het Johann vir ons heerlike lasagne gaar gemaak, en ons het salig daaraan gesmul terwyl ons fotos sit en kyk het. Ek is so laat daar weg, dat ek alle vorme van publieke vervoer verpas het. Die taxi het my 'n goeie $20 gekos terug huis toe, maar ek het dit met 'n glimlag betaal. Goeie geselskap het geen prys nie...

Vandag is dit die Melbourne Cup pêrre reisies. Hoekom is dit belangrik? Wel, die hele Australie kom tot 'n stilstand vir 4 minute, en in Melbourne is dit 'n publieke vakansie dag.
Omdat almal 'n ou geldtjie op die pêrre sit, het ek maar besluit om my geluk te probeer en dieselfde te doen. Ek het mos hoeka pêrre gespeel toe ek jonger was, en met daai kennis het ek my keuse gemaak.
Twee perde het my oog gevang: "On a Jeune" en "Umbula". Umbula klink net soos iets uit Afrika uit, so dit was 'n natuurlike keuse. On a Juene [uitgespreek On a Dune] was een van die buite perde. Ek het $5 op elk gesit vir 'n plek.
Umbula het te vroeg voor gehardloop, en uitgesak.
On a Jeune het tot almal se verbasing 2de gekom, en as daar nog 30m was, dalk gewen.
Elk geval, ek is vandag $100 ryker! Nie sleg vir 'n beginner nie, of wat sê ek?

Vanaand gaan ek en Johann rondloop en fotos neem in die stad. Dis redelik bewolk, wat vir beter fotos maak [in my opinie].